Varanasi Ganga Arti

 Varanasi Ke Dashashvamegh Ghat Me Gangaji Ki Arti

Varanasi ke Dashashvamegh Ghat me Gangaji ki Arti ek Vilobhneey Drishy Hai. Nadiyo ko Poojne ki Bharat ki Prachin Prampra ko Navinta Pradan kar Vibhinn jan Samudayo ko Kaise Aakarshit Kiya Jata Hai, Gangaji Ki Aarti Iska Jivant Udahran Hai. Ek or Bhakatgan Yaha Aakar Pavitra Gangaji Ki Aradhna Karte hai. Wahi Videsho Se Yaha Aakar Is Apratim Drishy Ka Anand Lete Hai Jab Agni Jivandaini Jal Ka Abhishek Karti Hai.

Varanasi, Naam Jaise Hi Kano Me Padta Hai, Gangaji Ke In Chandrakar Ghato Ki Chhavi Mansampatal Par Chha Jati Hai. Ganga Ko Varanasi Nagari Se Jodti Sidhi Gahri Sidhiya Ganga Arti Ke Prasidhh Drishyo aur Madhur Suro Ka Pavan Sthan Hai.

Pratyek Saam, Bhaktgan Apni Priy Ganga Maiya Ke Samachh Upasthit Hokar Uski Pooja Archna Karte Hai Aur Lakho Deepo Se uski Arti Karte Hai. Unka Palan Poshan Karne Ke Liye Aur Apne Pavitra Jal Se Unke Tan-Man Ko Shudh Karne Ke Liye Ve Ganga Maiya Ko Dhanyvad Dete Hai. Lakho Bhaktgan, Tirth yatri, Parytak Aur Yatrigan Varanasi  Ke Prasidh Dashashvamegh Ghat Me Ganga Ki Arti Ka Drishy Dekhne Yaha Aate Hai.